Ойролцоо 20 модонд хүрэлцэнэ

1. Хортон шавьжаас хамгаална: Холтос, ан цаванд өвөлждөг өндөг, авгалдай, мөөгөнцрийг устгана
2. Хүйтнээс хамгаална: Цагаан өнгө нарны гэрлийг ойлгож, өдөр шөнө температурын зөрүүнээс болж холтос хагарахаас сэргийлнэ
3. Наранд түлэгдэхээс хамгаална: Ялангуяа залуу жимсний модонд маш хэрэгтэй
4. Халдваргүйжүүлнэ: Модны шарх, тайралтын ормыг битүүмжилж, нян орохоос сэргийлнэ 

Найрлагандаа ихэвчлэн шохой, хүхэрт шохойн хольц, давс, цавуулаг бодис агуулсан байдаг.

Хэрэглэх заавар

Таны авсан нь өтгөрүүлсэн нунтаг учир усаар шингэлж бэлтгэнэ.

1. Бэлтгэх:

• 2.5кг нунтаг дээр ойролцоогоор 2.5 - 4 литр ус аажмаар нэмж байгаад сайн хутгана. 

• Хэт шингэн бол урсаад тогтохгүй, хэт өтгөн бол түрхэгдэхгүй. Өтгөн будаг / айрагны өтгөн шиг болтол тохируулна.

• 20-30 минут байлгаад дахин нэг хутгаад хэрэглэнэ. Савлагаан дээр 1:1 гэсэн харьцаа ихэвчлэн бичсэн байдаг. 

2. Модоо бэлтгэх:

• Модны их бие дээрх хуучин, ховхорсон холтос, хөвд, хаг зэргийг төмөр сойзоор цэвэрлэ.

• Хагархай, ил шарх байвал эхлээд цэвэрлэ. 

3. Түрхэх:

• Дагалдаж ирсэн сойзоор газраас дээш 20-30см-ээс эхлээд, доод мөчир хүртэл 1.2м - 1.5м өндөрт түрхэнэ.

• Хоёр талдаа жигд, зузаан биш, нимгэн биш, нэг жигд түрх. Нэг модонд нэг удаа хангалттай.

• Хуурай, салхигүй, бороогүй өдөр, агаарын хэм 0-ээс дээш үед түрхвэл сайн наалдана. Хэзээ түрхэх вэ?

• Хамгийн тохиромжтой үе: Намар 10-11 сар, өвлийн өмнө болон хавар эрт 2-3 сард. Зуны халуунд түрхэж болохгүй.

Анхаарах зүйлс

• Нүд, арьсанд хүргэхгүй байх, бээлий хэрэглэх

• Залуу суулгацанд хэт өтгөн түрхэж болохгүй, бага зэрэг шингэн түрх

• Ус нэмэхээс өмнө хуурай газар хадгал, чийг авхуулахгүй байх

• Хүнс, тэжээвэр амьтдаас хол байлгах